بسم الله الرحمن الرحيم
قال الله تعالى: وشاورهم فى الامر فاذا عزمت فتوكل على الله
والرسول كان قبل ما يعمل اى حاجه بيشاور اصحابه ثم يقرر
وافضل استشاره احنا ممكن نعملها طبعا لربنا ويبقى اسمها استخاره
لان احنا بنسال ربنا على الافضل لينا
والرسول علمنا الاستخاره وحثنا نعملها فى كل الامور
وكيفيتها كما علمها الرسول لاصحابه هى ان احنا نصلى ركعتين
مش فرض وبعد ما نخلص صلاه نقول الدعاء وهو
"اللهم انى استخيرك بعلمك واستقدرك بقدرتك واسالك من فضلك العظيم
فانك تقدر ولا اقدر وتعلم ولا اعلم وانت علام الغيوب
اللهم ان كنت تعلم ان هذا الامر خير لى فى دينى ومعاشى وعاقبه امرى
فاقدره لى ويسره لى ثم بارك لى فيه وان كنت تعلم ان هذا الامر
شر لى فى دينى ومعاشى وعاقبه امرى فاصرفه عنى واصرفنى عنه
واقدر لى الخير حيث كان ثم ارضنى به"
واادعاء ده جامع من الخير لينا فى كل الاحوال الخير او الشر
اللى لو اى حد اجتهد فى الدعاء عمره ما هيجمع ده فى دعاء واحد
ويا رب كلنا نعمل زى ما علمنا رسولنا الكريم ونستخير ربنا فى كل احوالنا